91鶹

Айгерим Ниязова: “Кыялымдагы тажрыйба алмашуу”

Айгерим Ниязова: “Кыялымдагы тажрыйба алмашуу”

28&Բ;марта&Բ;2025

Мен кантип БААУнун программасы менен Нью-Йорктогу тажрыйба алмашууга жетиштим.

БААУга окууга тапшырып жаткан кезимде менин максаттарымдын бири студенттердин алмашуу программасына катышып, чет өлкөдө билим алуу үчүн барып келүү болчу. Экинчи курста ага жетише албадым, бирок мен үчүнчү курсумда сөзсүз барам деп өзүмө убада бергем!

Ошентип мен Нью-Йорктогу BGIA программасы тууралуу угуп калдым. Анда студенттер күндүзү жергиликтүү уюмдарда тажрыйба арттырып, кечкисин билим алышат экен. Бул мен үчүн тажрыйба алуу жана резюмемди толуктоо үчүн мыкты мүмкүнчүлүк эле.

Мени эмнелер таң калтырды?

Бул жерде сабактардын өтүлүшү БААУдан таптакыр айырмаланат экен.

Ар бир сабак алдын-ала окулган материалды 2,5 саат бою талкуулоо. Лекция, стандарттык бет ачарлар жок. Ар дайым көнүл коюп сабакка аралашуу керек - бул чынында укмуштуудай өнүктүрөт.

Эң жаркын учур?

Менин Манхэттенге болгон биринчи сапарым.

Биз үчүн айрым сабактар өтчү кеңсеге экскурсия уюштурулду. Мына дал ошол учурда мен Нью-Йоркто экенимди сездим. Баары кудум кинодогудай болду!

Бирок баары мен ойлогондой жеңил болгон жок. Мен кабылган эң оор кыйынчылык англис тилине толугу менен сүңгүп кирүү болду. Бир нече саат баарлашуудан кийин башым кадимкидей ооруп, мен эч нерсени талдай албай калчумун. Бирок практика менен бирге иишеним пайда болот тура - жада калса менин сүйлөө речимдин ылдамдыгы да өзгөрө түштү!

BGIA тууралуу эмнелерди билүү маанилүү?

- Программа көбүнчө Эл аралык мамилелер боюнча окугандар үчүн ылайыктуу. Эгер бул багытта билим албасаңыз, анда чакырыктарга даяр туруңуз

- Тажрыйба арттыруу милдеттүү. Уюмдардын тизмесин беришет, ал эми издөө өз колуңузда. Көбү тажрыйба арттырууну каалагандарды алдын-ала алып коюшат, андыктан чамдаңыз

- Резюмеңизди алдын-ала даярдап коюңуз - болгондо да америкалык форматта камдап, колдон келишинче эртерээк жөнөтө баштаңыз.

<<

Борбордук Азиядагы Америка университети
Аалы Токомбаев көчөсү 7/6
Бишкек, Кыргыз Республикасы 720060

Тел.: +996 (312) 915000 + ички.
Факс:+996 (312) 915 028